METKERCUS Adolphus

METKERCUS Adolphus

Brugensis, Graece Latineque doctissimus, Antiquitatis item peritiâ ac prudentiâ rerum agendarum inclitus, Foederatorum Belgarum in variis aulis Orator, pacis Coloniae conclusae A. C. 1579. Acta collegit edititque cum Notis. Vitis Caesarum, M. Graeciae ac Fastis Consularibus, ab Hub. Goltzio in lucem editis, operam impendit, aliaque scripsit, Antonio Teissier enumerata in Elogiis Part. 2. Obiit Londini A. C. 1591. aetat. suae Climactericô, maerore ex morte Nicolai filii Daventriae occisi concepto. Vide quoque Valer. Andream Biblioth. Belg.